Moja uvjerenja oduvijek su bila, da zajedno možemo ostvarivati svoja prava samo na Ustavnim načelima, koja se zasnivaju na demokratskoj, građanskoj, ekološkoj i državi socijalne pravde, zasnovane na vladavini prava. Jedino na tom konceptu države mogu se uvažavati ljudska prava, svih njenih građanki i građana.
Upravo sam od gospodina Nikole Đuraškovića, dok smo formalno bili na suprotnim stranama, imao najsnažniju podršku za sve moje inicijative na zagovaranju ljudskih prava za OSI. Time je pokazao širinu i viziju, da je interes građana iznad svake politike.
Stoga, sve što radi gradonačelnik Prijestonice Đurašković i lokalna samouprava, na njenoj transparentnosti, afirmaciji inkluzivnog pristupa za sve njene građanke i građane, imaju moju snažnu podršku, kao i nadu da se ovakve politike prenesu i na nacionalnom nivou.
Jedino na temeljima istinske socijaldemokratije možemo unaprijediti i sačuvati svaki dio naše kuće i urediti je tako da bude udobno mjesto za sve njene građanke i građane, a to znači, da se svi jednako pitamo i odlučujemo o kvalitetu života svih nas.
Stoga čuvajmo i uređujmo našu jedinu kuću koju imamo, jer to niko neće raditi umjesto nas.
Dejan Tmušić
Aktivista za ljudska prava OSI