Pomiritelji na čelu sa ‘Dalaj Lamom’ dovešće Crnu Goru u nezbor sa svima, ocijenio je zamjenik predsjednika SDP i predstavnik Evropskog saveza Petar Odžić, nakon što je Hrvatska danas zabranila ulazak u tu državu predsjedniku Skupštine Andriji Mandiću, lideru DNP Milanu Kneževiću i potpredsjedniku Vlade Aleksi Bečiću.
“Umjesto na samite lidera EU, ići ćemo na svesrpske sabore, umjesto otvaranja tržišta moći ćemo lubenicu prodavati u Beograd via Mojanovići, a umjesto katamaranom, za Dubrovnik ćemo smjeti samo vojnom mornaricom”, navodi Odžić.
Prema njegovim riječima, očekivano od naših diplomata, odgovor Crne Gore je bio u skladu sa mogućnostima.
“Zamjenik premijera se branio time da je postao Crnogorac, ali i činjenicom da je i premijer kriv a ne samo on. Recitator iz Mojanovića se branio činjenicom da mu je đed bio na pravoj strani, a ne kao on, dok se Vojvoda Dalaj Lama po svemu sudeći brani ćutanjem, a u narednim danima će se pozivati na tradiciju i čojstvo”, zaključuje Odžić.
Odžić: Pomiritelji na čelu sa ‘Dalaj Lamom’ dovešće Crnu Goru u nezbor sa svima
