SDP: Cjelovitost, suverenost i integritet BiH je najbitniji preduslov za regionalnu stabilnost i mir

Socijaldemokratska partija Crne Gore snažno podržava cjelovitost, suverenost i integritet susjedne i prijateljske Bosne i Hercegovine, kao najbitniji preduslov za regionalnu stabilnost i mir.

Zbog toga su se danas poslanica Draginja Vuksanović Stanković, generalni sekretar SDP Ivan Vujović i šef Medijskog tima SDP Mirko Stanić pridružili građanskom skupu ispred Delegacije EU u Podgorici čime se u ime naše države šalje poruka o neophodnosti snažnije podrške međunarodne podrške Bosni i Hercegovini.

Izazovi sa kojima se ta država suočava u proteklom periodu su intezivirani usljed pritiska iz istih centara moći iz kojih traje orkestrirana kampanja protiv Crne Gore, građanskog koncepta naše države i evroatlanske opredijeljenosti.

Kroz prisustvo skupu, koji će danas biti održan u preko 40 gradova svijeta, pokazujemo da BiH u ovoj borbi neće biti sama i da će imati puno podršku progresivnih, građanskih i antifašističkih snaga iz Crne Gore.