Moramo naprijed, ali ne kao guske u magli. Naprijed, ali na vrijednostima, ne paktirajući sa nazadnošću i to zvati pomirenjem, kazao je generalni sekretar Socijaldemokratske partije, Ivan Vujović.
On je reagovao na izjavu poslanika GP URA, Miloša Konatara koji je kazao da “prošlost ne možemo da promijenimo, te da moramo ići naprijed ili da narednih 100 godina i dalje pričamo o zastavama, nacijama, crkvama”.
„Ako je sve isto i nije važno ako je sve relativno, ako je isto i sa zločincima i žrtvama, ako je isto svoje i tuđe pa bilo i bratsko, ako je isto istina i laž. Ako sve može.. i ništa nije važno, ići ćemo naprijed -ali naprijed u provaliju“, napisao je Vujović na Tviteru.